Fin de Liga

O Maniños festexou a segunda posición por todo o alto. Hai tempo que o Caranza gañara a Liga así que conquerir o segundo posto ao que se aspiraba foi un gran logro. O técnico do Cultural Maniños, amosou a ledicia de todas polo conxunto da tempada e o resultado moi merecido, en palabras de Gómez. O último encontro no Pote fronte ao Cariño foi bonito de ver cun resultado de 4-2. Sheila estivo espectacular e Rebe quedou terceira no pichcichi, cun total de 28 goles marcados. Os catro goles marcados no último choque foron de Cris que abría o marcador no minuto 9, seguida dos goles de Rebeca, Paula e Mónica no minuto 59.

Copa

Ao ser segundas, o Cultural Maniños debe afrontar tamén o campionato provincial, en canto remate a competición de liga nas zonas de Santiago e A Coruña. O provincial celebrarase este ano no campo do Caranza (Ferrol). Participan os tres primeiros equipos clasidicados en Ferrol e A Coruña e os dous primeiros de Santiago. A competición celebrase nun dia, con encontros de 20 minutos de duración. O Maniños feminino afronta a Copa con ilusión pero mosqueadas porque o primeiro rival será o Perlío ao que visitan nos Pinares, o domingo ás 12h.