ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
550 nenas participarán na V edición do Torneo-Exhibición de ximnasia rítimica Cidade de Ferrol organizado polo club Esquío. Unha cita para difundir esta disciplina deportiva en todos os niveis e idades ademais de cubrir as necesidades das pequenas ximnastas a través da recreación, a diversión e a motivación para seguir na práctica deste deporte. O evento terá lugar este domingo 11 de abril. Pola mañá tócalle a
No apartado de exhibición participarán clubes, escolas, asociacións e actividades extraescolares no eido da iniciación. Pola tarde brilarán no tapiz o mellor da ximnasia rítmica galega. Haberá unha competición de nenas individuais de base en todas as categorías e torneo de conxunto tanto a nivel escolar como de nivel e promoción.
O Club Esquío atópase na élite da ximnasia rítmica galega e agora traballan duro para acadar os mesmos resultados nos campionatos de España. Trátase dun deporte que require moito sacrificio e adestramento e as ximnastas teñen unha curta traxectoria deportiva. Algo que está trocando coa ximnasia estética que prolonga ata os 25 anos ou máis o traballo das deportistas.
Sen tempo de retomar folgos o seguinte sábado 17 de abril celébrase a exhibición da Escola de ximnasia rítmica do Concello de Fene. Unha cita que se celebrará durante toda a xornada ante a gran cantidade de participantes. No Pavillón A Xunqueira de San Valentín poderemos desfrutar das habilidades das nenas cos aros, mazas e demais aparellos. Haberá un amplo abano de niveis e idades desde a categoría prebenxamín ata a ximnaxia estética.
Unha das máis importantes citas das nenas da escola de Fene será o 15 de maio na fase provincial escolar. Na mesma participarán dous grupos, un conxunto cadete de aro e un infantil de pelota. Antes, O 17 de abril, no pavillón de San Valentín poderemos admirar as súas destrezas no tapiz. A exhibición arrinca ás once e media da mañá ata a unha e media da tarde e retómase ás catro ata as sete e media do serán.