O seminario estará guiado por técnicos do Centro Europeo de Empresas e Innovación de Galicia e do Instituto Galego de Promoción Económica. Durante tres horas, estes técnicos ensinarán a xeración das ideas empresariais e racharán cos mitos sobre a figura do emprendedor, amosando que calquera persoa con ganas pode desenvolver un proxecto empresarial. O concelleiro de Facenda, Emprego e Promoción Económica sinalou que os participantes tamén poderán coñecer as axudas que teñen á súa disposición en Galicia para levar á práctica esas ideas empresariais. A formación é gratuita pero hai límite de prazas, polo que os interesados deberán realizar a súa inscrición no porpio Centro de Emprego en Catabois ou chamando ao 981 944 195.