ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Iniciaronse os traballos para dar solución aos recurrentes anegamentos rexistrados en vivendas da zona baixa da Ribeiroa, no peirao de Baralllobre. As obras,orzamentadas nuns 9.000 euros, contemplan a renovación das canalizacións nun tramo de 10 metros e prevese que estén concluídos este mesmo mes.
Informe da situación
A intervención busca dar solución ás inundacións que sufren os veciños da zona baixa da Ribeiroa dende a entrada en funcionamento da EDAR sita no peirao de Barrallobre, e sempre coincidentes coas épocas de choiva. Así, o Concello encargaba a Viaqua un informe de situación, no que se detectaba que a saída do río canalizado que discorre pola rúa Ribeiroa se atopaba obstruído debido ao derrubamento da canle de saída do río. Un derrubamento que, amáis de impedir a libre circulación da auga, retiña todos os elementos sólidos que transporta a canle, tal que follas ou paus, o que provocaba un embalsamento da auga dentro do colector. Ese treito de río canalizado está, á súa vez, conectado mediante unha tubería co colector de augas residuais que transporta a auga ata o tanque de tormentas sito na mesma zona. Unha tubería que serve de aliviadoiro ao colector pero que, ao acumular a agua, producía o efecto contrario, colapsando a rede de fecais e provocando desbordamentos polas arquetas dos domicilios.
Solucións
Para darlle solución, o Concello está a actuar nos últimos dez metros do tramo do río dende a súa desembocadura. Estase a renovar ese tramo de 10 metros de
canalización. Uns traballos que requiren da demolición e reposición do aglomerado e dun treito das escaleiras de formigón, a excavación de terras e xestión de residuos
e a instalación dun sistema de bombeo mediante pozos e tubos provisionais para a modificación do curso do río mantendo a zona de traballo o máis seca posible, así
como a planificación dos traballos coas mareas. Calcúlase que os obras poden estar rematadas este mes.
Publica o teu comentario agora