No seu momento solicitouse a Augas de Galicia e a Xestur a creación dunha depuradora propia para o parque empresarial. Co cambio de goberno na xunta, os populares optaron pola construcción dunha depuradora de gran capacidade para a zona de Negreira que tamén recollería as augas do parque empresarial. Finalmente decantouse pola rede xeral e solventouse este problema que paralizaba o proxecto.
Este non é o único escollo do polígono de Negreira. Xestur vendeu uns terreos sen escrituras ao seu nome e as empresas non se poden inscribir para instalar as súas naves. A crispación dos empresarios medra antes as perdas que sufren por non poder arrincar o seu traballo.
Noutro senso hai que falar de balanzo positivo do turismo de Semana Santa en Negreira. A pesares das inclemencias do tempo medrou o número de pelegríns que realizan a rota do Camiño de Fisterra. O único que se fai ao revés. Comézase na Praza do Obradoiro e remata en Fisterra. Estanse resolvendo cuestión como a posta en funcionamento de puntos de información ao pelegrín, e así entre maio ou xuño instalarase unha caseta de turismo ao carón da Casa do Cotón. Agárdase que neste Xacobeo 2010 os voluntarios se animen a prestar os seus servizos. Todo isto conlevaría o incremento do numero de prazas nos aloxamentos e así ao xa existente albergue de San Xosé creáronse tres novos máis. Hai uns días abríase o albergue Rúa no propio Camiño de Santiago, o de Logrosa na parroquia do mesmo nome e un terceiro na zona alta de Fisterra. Agárdase tamén un cuarto para os vindeiros meses.
Este ano co gallo do Xacobeo, o Concello de Negreira decidiu facer unha peregrinación xeral dividida en catro etapas entre Santiago e Muxía con final na Ermida da Virxe da Barca co fin de promocionar esta rota xacobea. Comezara o derradeiro sábado de abril e logo os últimos sábados de maio, xuño e xullo. A primeira etapa, a máis curta de 20 qm. realizarase entre Santiago e Negreira, a segunda entre Negreira e Dumbría, a terceira Dumbría- Fisterra e finalmente Fisterra-Muxía. Para facilitar os desprazamentos poñerase a disposición dos caminantes autobuses.
Os amigos do alleo fixeron acto de presenza a madrugada do mércores ao xoves sustraendo varios cables eléctricos e tubaxes de cobre municipais. O furto levouse a cabo no campo de fútbol de Capelo. Non é a primeira vez que se producen estes roubos pero sí a que se fixeron con máis cantidade de material roubado.De todos os xeitos parte do cableado sustraído ía ser sustituído por un novo sistema de alumeado, e caseque lle fixeron un favor ao Concello de Negreira.
