ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Mentras o grupo de cantareiras de Pontedeume, Faltriqueira, descansa e anda de crianzas, siguen en contacto e avisan que pronto volverán subir aos escenarios. Unha das suas compoñentes, María López, colabora no primeiro disco e no directo do proxecto “Orquesta Gharbo” co músico Nelson Quinteiro. María e Nelson son vellos coñecidos que se reencontraron no Morrazo onde residen circunstancialmente, el en Cangas, ela en Moaña.
A cantareira eumesa ten unha pequena colaboración nese primeiro disco de Nelson e unha colaboración máis ampla nos directos de Orquesta Gharbo. Estarán o xoves 13 de febreiro no Teatro Colón da Coruña amosando o espectáculo que, segundo confesa María López, é moi novidoso, tanto musicalmente como na sua posta en escea. Colaboran ademais entre outros Silvia Penide, os Estalotes e mesmo bailaríns. María fai coros nos temas, "Canto de andar o camiño", "Baldaio" e "Dona Ausenda". Silvia Penide canta no tema "As mans perdidas".
A voz de Faltriqueira, María López, non para porque tamén está a piques de gravar con Magín Blanco un disco para bebés titulado GATUXO. Un traballo con cancións e melodías moi doces que presentarán no salón do libro de Pontevedra no mes de marzo.