De formación autodidacta, Dani García leva tempo –exactamente, dende que tiña 13 anos- perseguindo o seu soño de chegar a converterse nun grande mago. Asegura que boa parte do que aprendeu neste tempo foi grazas aos libros e cursos que fixo. Malia todo, recoñece que tamén houbo unha persoa que lle influiu enormemente, sobre todo nos primeiros anos de contacto coa maxia e que foi o mago Lorc.

A pesar da súa xuventude, o mago Dani García manten na actualidade ata tres espectáculos en marcha.: “Acción”, “Symbiosis. Maxia para dous” e “Da´kara”. Tres proposta coas que asegura que vai percorrer practicamente toda Galicia nas próximas semanas. Como membro da Asociación de Magos Profesionais de Galicia, o ilusionista de Neda participa un ano máis no Nadal Máxico de Galicia que se desenvolverá dende mediados de decembro ata comezos de xaneiro en distintas vilas e cidades galegas.