A concellería de Cultura xunto coa Asociación de Amigos da Lírica de Ferrol artellan unha programación na que se desenvolva unha actividade mensual. Este ano queren dar proridade ao xénero da zarzuela polo que manteñen contacto con distintos cantantes e recuperar así lírica para a cidade. 

Entre os proxectos, aínda sen confirmar, inclúese un recital do barítono Santos Ariño e a súa muller, a soprano Carmen Aparicio. Outra das propostas é traer á compañía Amigos da Zarzuela de Torrexón que ofrecerá a obra “El cantar del arriero” e “La linda tapada”. Tamén participará a xove promesa ferrolá, o tenor NachoViguera, así como potenciarán a traxectoria doutros xóvenes da cidade departamental.

Para os máis pequenos traballan para traer o espectáculo da “Flauta máxica” de Mozart, facendo un paseo pola zarzuela denominado “Zarzilandia”. O programa tamén inclúe conferencias como a do presidente da asociación, José Manuel Grandal, quen dará a súa visión do mundo da zarzuela. Será o 26 de outubro, ás 7 da tarde, na Fundación Roiba.