ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Comisión de Igualdade do Consello da Cultura Galega organizou e convocou mañán xoves 25 de outubro a xornada “Tereixa Navaza, a voz da liberdade”, unha homenaxe á contribución da comunicadora e xornalista, nomeadamernte na radio e na televisión. O recoñecemento vai asemade para o labor da primeira xeración de mulleres xornalistas profesionais. Vinte estudosos e xornalistas desenvolverán o programa no que participa tamé
A sesión abrirase ás 10 horas coas intervencións de Francisco Díaz-Fierros, vicepresidente do Consello da Cultura Galega, e María Xosé Agra Romero, coordinadora da Comisión de Igualdade, e abranguerá a dimensión científico-profesional, (O compromiso da información) e a da memoria (A información con xénero).
Abrirá os relatorios Manuel Lombao, ex director da TVE en Galicia e dos Centros Territoriais de TVE, que falará de “Tereixa Navaza e os inicios da televisión desde Galicia”. Será presentado por Xosé López, Secretario do Consello da Cultura Galega e catedrático da Facultade de Ciencias da Comunicación da Universidade de Santiago de Compostela.
Mariam Mariño Costales, técnica da Comisión de Igualdade, presentará a “Cartografía de Tereixa Navaza no Álbum de Mulleres” (accesible en www.consellodacultura.org), que dará paso a catro relatorios doutras tantas xornalistas e a un debate presentado e moderado por Marta Pérez Pereiro, vicedecana da Facultade de Ciencias da Comunicación da USC. As reflexións versarán sobre os temas “¿Donas da información? Mulleres xornalistas en Galicia” (Belén Puñal Rama); “Forza e valentía feminista tras un sorriso” (Ana Arellano, revista ANDAINA); “O xornalismo de Tereixa Navaza, un oficio de vivir” (Carme Vidal Lage), e “¿Traballar nos medios hoxe?” (Marga Tojo González, presidenta de DIOIVO).
Pola tarde, a partir das 16´30 horas, proxectarase o audiovisual “Tereixa Navaza”, de Andrea Nunes Brións e Raquel Rei Branco, da productora “Candongas do Quirombo”.
A seguir o xornalista e escritor Manuel Rivas conversará con Tereixa Navaza e, finalmente, o xornalista e director de comunicación do Consello da Cultura Galega, Xosé María Palmeiro, presentará e moderará a mesa redonda “Primeira xeración de mulleres xornalistas profesionais” na que participarán, xunto coa xornalista homenaxeada, María Xosé Porteiro, Concha Pino e Tonina Gay Parga.