Presidiron o acto celebrado onte, a presidenta, Rosa Graña e a secretaria, Mónica Fernandez, xunto a outras directivas da entidade nunha mesa adornada cos trofeos acadados na última Carreira da Muller na cidade da Coruña. O momento máis emotivo foi cando na pantalla saían os nomes das mulleres da asociación que non superaron a enfermidade. O momento máis reivindicativo, a lectura do Manifesto que se leu este ano en moitas cidades, un manifesto que reclama un maior investimento en investigación da enfermidade, rexeita as listas de espera e reclama a gratuidade dos medicamentos para o cancro como para as enfermidades crónicas.

A actuación do grupo " Parranda la nuestra" puxo o broche de ouro ao acto no que encontraron unhas 90 persoas.