“Considero a lectura indispensable na nosa vida e como unha forma diaria de enriquecemento persoal. Por iso, leo para estar informada das cousas”, asegura Fátima Ameneiro en “Todos a ler”. Pola súa banda, Edgar Vigo afirma que “a lectura é unha das actividades máis necesarias para a vida de tódalas persoas” amais de apostar pola “lectura a traverso de internet (…) porque, hoxe en día, as posibilidades da rede permiten que non so teñas un punto de vista para as cousas”.

Na revista “Todos a ler”, Édgar Vigo e Fátima Ameneiro, coma deportistas galegos recoñecidos (Campións galegos de Ralis de grupo X e primeiros galegos en participar no Rali Internacional Solidario “Mongol Rally”), aportan o seu grao de area para o fomento da lectura entre a mocidade.

En palabras de Fátima Ameneiro, “a participación dun equipo galego de ralis nunha actividade educativa deste tipo é moi positiva para o fomento dun deporte que, en determinados ámbitos, non goza de moi boa prensa”.