Ponte Far explica na súa reportaxe que os anos que Torrente residiu na cidade naval foron trascendentais na súa vida. De aí a gran cantidade de elementos ferroláns que se dan cita na súa obra: as referencias ao mar, os barcos e o porto de Ferrol; o teatro Jofre, que tanta importancia tivo na súa infancia; o Casino ou a Marina, coa constante presenza dos seus uniformes polas rúas da cidade.

Así mesmo, alusións a algúns personaxes coñecidos da urbe, presentes na memoria colectiva, danse cita, na súa narrativa: a malograda Hildegart e a súa nai, Aurora Rodríguez; Gravina, Churruca, o tío Galán, a Compañía de Sopiñas.
 
Outro dos puntos nos que se percibe a influencia da cidade naval na súa obra é nesa forma de facer coexistir o real co fantástico. Un novo achegamento á obra de Torrente Ballester da mán de Jose Antonio Ponte Far na revista trimestral Galegos, publicada por Editorial Ezaro.