As remeiras das Rías Baixas confiaban en repetir éxito na Concha se as condicións do mar eran favorables, declarou esta mañá en Radiofusión un dos adestradores do equipo, Benigno Silva. Logo dunha desputadísima e tensa final obtiveron onte o título que recompensa o enorme esforzo e traballo que hai detrás desta victoria.

O equipo comezou  a adestrar en Meira catro días á semana. Despóis foron a mar aberto, a Aldán durante todo o mes de agosto e setembro para prepararse para a proba. Unha decisión acertada, subliñou Silva.

A formación do conxunto  xurdiu o ano pasado cando a organización de la Concha lles propuso participar nunca regata de traiñeiras. Entón, ás oito que estaban no Cabo de Cruz sumáronse as de Chapela e o Meira para formar un equipo competitivo.

Silva, amosou a súa satisfacción pola creación da Liga Feminina da ACT. “ Un recoñecemento á igualdade e unha aposta pola continuidade”. A participación feminina no mundo no remo tamén conta cos seus detractores aos que resposta unha das componentes do equipo galego, Lucía Filgueira quen sinala que os homes tamén tiñeron dificultades para controlar as embarcacións na competición vasca. “Só se diferencian na forza”, engade Filgueira.

O remo femenino va por bó camiño. Co tempo, o proxecto, o equipo e as ligas vanse consolidando. O máis importante para Benigno Silva, é que o remo femenino sexa creíble. Con credibilidade racharánse os tópicos de considerar o remo só como un deporte masculino.