Unha fotografía coa feira de 1927 preside o cartaz anunciador dos festexos. O mesmo dia de San Marcos, xoves 25 de abril celebrarase á unha do mediodia unha misa solemne na capela deste lugar da parroquia de Sillobre. Sábado 27 haberá sesión vermú coa orquestra Essencia. Pola noite a gran verbena contará coa orquestra Essencia e co grupo Atenas. O domingo 28 de abril volverá a haber misa solemne á unha do mediodia e unha sesión vermú longa, arrufada pola orquestra Versalles. Alberto Anca, da comisión organizadora convidou a toda a cidadanía de Fene a participar nos festexos..

A capela de San Marco, reedificouse na súa totalidade en 1926 pero o edificio orixinario debía proceder da Edade Media. Xa en 1750 no Catastro de Ensenada, falábase do marco que está no coro da capela de San Marco, dalí ia o límite da parroquia ás Modias, dalí á pica vella, pola pica parda, facendo referencia ao lugar coñecido na actualidade como As Picas en Magalofes.. .