Tres xóvenes promesas ferroláns presentan a súa ópera prima “Atrapado en tu tiempo”

Tres xóvenes promesas ferroláns presentan a súa ópera prima “Atrapado en tu tiempo”

28 de Decembro, 2009 - 12:00 h. | Publicada por Radio Fene

A Casa da Xuventude acollerá esta tarde, a partir das seis e media da tarde , a estrea da primeira curtametraxe de tres ferroláns de 17 anos, Gabriel Bescos, Diego Freire e Raquel Rodríguez,  “Atrapado en tu tiempo”. O actor ferrolán Javier Gutiérrez, coñecido pola súa participación en series televisivas como Los Serrano ou Aguila Roja e recentemente recoñecido co premio Max de Teatro, asistirá esta tarde á premier

A cinta, de 15 minutos, leva por título “Atrapado en tu tiempo”, e rodouse integramente na cidade de Ferrol e, especialmente, nos barrios de Esteiro e A Magdalena. Narra a historia dun rapaz que se levanta todos os días e repite as mesmas rutinas. Para él, todos os días son 17 de setembro.

Gabriel Bescos, Diego Freire e Raquel Rodríguez, estudantes do IES Concepción Arenal,  encargáronse de todo o proceso de producción do filme, incluso de escribir o seu guión ou seleccionar aos seus intérpretes. Na actualidade, xa traballan no seu segundo filme (BIC) e están a traballar no inicio da rodaxe de dúas series. 

Cultura
  • 96 lecturas