O pavillón de A Xunqueira enchouse esta mañá de camisolas vermellas e brancas das nenas/os dos colexios Centieiras de Perlío e de A Xunqueira de San Valentin en Fene (A Coruña). Os alumnos da Xunqueira desprazáronse andando dende o propio colexio, que se atopa ao carón do polideportivo. Pola súa banda os rapaces de Centieiras viaxaron en autobuses dende a avenida do Tarrío. No pavillón esperaban os monitores do Concello dirixidos pola técnico do deportes Mercedes Justo e coa concelleira de deportes Carmen Silvar. Julio, Marcelo e José axudados polos mestres de educación fisica dos dous colexios e por Mercedes Justo intentaron facer disfrutar a todos estes nenos. Moitos deles co seu único contacto anual co atletismo. Os relevos, o vallado e os lanzamentos de xabalina, velocidade, etc….foron as probas máis concurridas. A unha da tarde rematará a sesión e o ruxe-ruxe de fondo dará paso ao silencio das pisadas das zapatillas na madeira do parqué.