ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A aparición do cadáver dun home ao pé da Torre de Hércules leva ao policía Sánchez Pereiro a iniciar unha sorprendente investigación. Este non será o único crime que descubrimos en Lobos Doentes. A adaptación da novela do mesmo nome de Antonio Tizón comezou a súa emisión en Radio Fene. Este venres a partires das 12,00 horas poderedes escoitar os cinco primeiros capítulos desta obra dirixida por Eugenia Sanmartín e producida por Son Radiofusión.
O cadáver aparecido agocha na chaqueta o logotipo dunha bandeira rusa e o enderezo de tres prostíbulos que visita o policía Sánchez Pereiro tentando atopar ao verdadeiro asasino. No seu percorrido por diferentes locais da Coruña come a mellor costeleta de boi que probou na súa vida e lamenta perderse anos antes o partido entre o Deportivo e a Juventus por ter que presenciar un mitin do PP. Zapatero ou Amancio Ortega son algúns dos nomes ilustres que saen nas diferentes conversas do axente nestes primeiros cinco capítulos da Lobos Doentes que Radio Fene emitirá este venres a partires das 12,00 horas. Esta novela, na que o policía Sánchez Pereiro se transforma noutro dos moitos lobos e lobas doentes que loitan pola supervivencia, débelle o título ao poema de Rosalía, A xusticia pola man.
Fotografía Xan Xe
Na imaxe, gravación da adaptación da novela Lobos Doentes nos estudos de Radio Fene.
Publica o teu comentario agora