A asociación cultural O Tadetas organiza unha viaxe á Feira do Cocido de Lalín o domingo 24 de febreiro. A viaxe gastronómica e cultural inclúe o xantar do cocido con sobremesa de antroido, na Casa do Patrón, e unha visita guiada ao Museo etnográfico. O prezo é de 32 euros, incluída a viaxe en autobús que sairá de San Valentín ás 9,30 da mañá con parada na rúa do Concello de Fene.

Á chegada ao destino, sobre as 11 da mañá, participarase na Encomenda do Cocido na casa do concello de Lalín, visitarán a Feira ás 12  e presenciarán a lectura do Pregón media hora despois. Ás 13.00 horas comezará o desfile de carrozas, charangas e comparsas coa Banda de Música de Lalín. Un desfile que ten moita sona e no que participan máis de vinte agrupacións.

O pago da excursión farase na conta bancaria da asociación fenesa O Tadetas ou no seu local de Fonte do Campo polas tardes, de 18,00h a 19,30 horas.