Estruturado en once paquetes de traballo, a Universidade de Vigo lidera un destes apartados para o que contará cun orzamento superior ao medio millón de euros. O seu cometido será dar soporte a todo o relacionado coas tecnoloxías da web semántica, unha serie de tecnoloxías que permiten que os propios ordenadores conectados a través de internet fagan razoamentos e obteñan deducións, dándolle así ás propias máquinas un grado de intelixencia maior.
De xeito simplificado, Anido explica como esta tecnoloxía é a que permite aos ordenadores entenderse entre eles e facer deducións .Entre outras tecnoloxías que se están a discutir, hai cousas tan concretas como poden ser os googles waves, a nova tendencia de Google para que as persoas interactúen en liña, ou temas relacionados cos taboleiros e mesas táctiles nas escolas.