ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Comeza en Fene o campamento “Un verán diferente” con 41 nenos e nenas e con especial atención ás medidas de hixiene e prevención fronte á Covid 19.
Corenta e unha nenas e nenos participan dende hoxe no campamento de conciliación da vida laboral e familiar “Un verán diferente” que organiza a Concellería de Cultura de Fene. O programa desenvolverase no CEIP Centieiras de Perlío até finais do mes de xullo e centrará o seu proxecto nas actividades ao aire libre, tal e como se recolle nas recomendacións e medidas para o desenvolvemento das actividades de educación non formal, ocio educativo e tempo libre adaptadas á situación de COVID-19, publicadas pola Xunta de Galicia.
Segundo informan dende a Concellería de Cultura todo o monitorado asignado a este programa conta con formación previa en medidas hixiénico sanitarias. Asemade, as actividades realizaranse respectando a ratio dunha monitora ou monitor por cada grupo de sete nenas ou nenos, seguindo as instrucións anteriormente mencionadas. E, perante a sospeita duna posible caso de COVID-19, o equipo conta cun protocolo de actuación. En todas as actividades traballarase de xeito transversal o fomento da igualdade, seguindo o exemplo no comportamento, actitudes e expresións do propio monitorado. Ademais, realizaranse obradoiros de corresponsabilidade e coeducación, obradoiros de elaboración de instrumentos de percusión, obradoiros medioambientais, actividades de iniciación a práctica deportiva de diferentes deportes, obradoiros de reciclaxe...
(Na imaxe, o acceso ás instalacións esta mañá)
Publica o teu comentario agora