ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Fene súmase ao compromiso "Unha árbore por Europa". Impulsará accións e campañas de defensa, promoción e divulgación das árbores, entre a cidadanía.
Co obxecto de visibilizar a importancia do coidado do noso entorno, a Concellería de Medio Ambiente de Fene ven de promover a adhesión do Concello de Fene á campaña "Unha árbore por Europa". A iniciativa implica o compromiso da administración local de promover e mellorar a sustentabilidade e a calidade do aire nas parroquias do termo municipal. A través deste programa, o Concello comprométese a incrementar a cantidade de árbores autóctonas existentes dentro do municipio e a incrementar a participación en actividades ambientais entre as autoridades locais e a cidadanía, facendo especial fincapé en actividades formativas nos centros escolares do concello.
A idea é promover o desenvolvemento sostible no ámbito local, empregando o lema #UnhaÁrborePorEuropa.
Dende a Concellería de Medio Ambiente "queremos visibilizar a importancia do coidado do medio ambiente como algo prioritario para acadar a mellora do noso entorno", afirma Marta Pereiro. E neste campo, engade, "é imprescindible o traballo en equipo entre as administracións públicas e a cidadanía para lograr un compromiso ambiental e gozar de zonas verdes saudables". Froito desta iniciativa, ao longo dos vindeiros meses a Concellería de Medio Ambiente de Fene impulsará varias campañas e actividades, procurando a implicación da cidadanía, tales como: limpezas manuais de praias; campañas informativas a respecto do problema que supón o mal uso do plástico; campañas para o fomento da reciclaxe; formación sobre compostaxe e os seus beneficios; recuperación de zonas verdes; plantación de especies autóctonas…
Todo iso, co obxectivo final de concienciar sobre a importancia de coidar o noso medio ambiente e de potenciar o noso territorio, mellorando a calidade de vida dos veciños e veciñas, así como da nosa fauna e flora.
(Na imaxe, unha árbore froiteira na parroquia fenesa de Sillobre)
Publica o teu comentario agora