O libro forma parte do proxecto "Rosalía de Castro e a fábrica das mulleres" que xa incluiu o descubrimento dunha placa no lugar da antiga Fraga, unha cea de Rosalía e a gravación dun video no que nenos e nenas do colexio de Franza recitan poemas da autora de "Cantares Gallegos". 

Rosalía de Castro adicoulle un poema á festa do Seixo (Se a vernos Marica, nantronte viñeras, á festa do Seixo na beira do mar, ...) e os impulsores do proxecto sosteñen que os versos se refiren á romería que se celebra neste lugar da ría de Ferrol, todos os 25 e 26 de xullo. O proxecto asimesmo incluiu a preparación e representación da obra de teatro "Rosalía poeta na beira do mar" a cargo do grupo Teruca Bouza, cun texto elaborado e dirixido por Eugenia Sanmartín.

O acto deste venres contará coa presencia do presidente da fundación Rosalía de Castro Anxo Angueira, coa alcaldesa de Mugardos Pilar Diaz e cos autores da publicación. Comezará ás sete da tarde no Seixo (Mugardos).