Os contidos serán variados, xa que se tratarán temas como a situación xeral da arte contemporánea en Galicia, por parte de Verónica Santos; o mercado privado, a través do relatorio de Rafael Lens; a influencia da arte galega contemporánea no ensino das artes en Galicia, por parte de Celia Castro Fernández; a pegada do contexto: a interrelación do artista co medio, gracias á disertación de Vicente Blanco e a situación da muller creadora no contexto galego na intervención de Chus Martínez Domínguez.

Cada tema introducido polos participantes da mesa poderá ser obxecto de preguntas ou comentarios por parte do público asistente unha vez finalizada a súa exposición. Tamén, ao final da mesa redonda, propoñerase abrir un debate co que se pretende abranguer os contidos temáticos citados e outros que poidan xurdir a raíz da interacción cos asistentes.