ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O teatro tamén terá o seu oco neste entroido coa representación mañá sábado no multiusos da Xunqueira da obra Unha primavera para Aldara a cargo da compañía Teatro do Atlántico. Unha obra situada no s. XV no interior dun mosteiro galego e que nos vai presentar unha acción alonxada das típicas comedias de situación.
Con todo, unha das súas actrices, Belén Constenla entende que o público redondelán por tradición está preparado para obras onde se busque algo máis que a risa fácil. Por este motivo recomenda achegarse a esta representación onde Teatro do Atlántico leva sobre as táboas a obra de Teresa Moure gañadora do Premio Rafael Dieste de teatro.
A obra, cunha sólida estrutura dramática sitúanos nun cenobio no ano 1465, onde as monxas que alí habitan están a atravesar un momento difícil mentres no exterior se produce a revolta irmandiña. Nese contexto, chega ao mosteiro un cabaleiro irmandiño, interpretado por Belen Constenla.
A representación será ás 20:30 horas. O prezo da entrada é de 4 euros para o público en xeral mentres que os estudantes e xubilados só terán que aboar dous euros.