ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os Reis Magos de Oriente chegarán a Ferrol o vindeiro luns para percorrer as diferentes parroquias da zona rural. Será a partir das catro do serán e o punto de partida será o local da Xunta Veciñal de Doniños. A cabalgata está organizada pola Agrupación de Veciños da Zona Rural e conta coa colaboración do Concello.
Este ano, na súa visita á zona rural, Melchor, Gaspar e Baltasar terán ocasión de saudar aos nenos e nenas acompañados dos seus paxes a bordo de tres carrozas, que os levarán por Lago, San Xurxo, Esmelle, Marmancón, Mandiá, Santa Cecilia, Pazos, Serantes, Viladóniga, Brión, Valón e A Cabana. A este último punto está prevista a chegada das Súas Maxestades ás 21.30 horas, punto final do percorrido, durante o cal repartirán un total de 240 kilos de caramelos.
Como colofón ás festas de Nadal na cidade, o vindeiro martes celebrarase a tradicional cabalgata dos Reis Magos polo centro de Ferrol. O percorrido comezará ás 18.30 na rúa Venezuela do barrio de Ultramar e concluirá na praza de Armas onde está previsto que Melchor, Gaspar e Baltasar reciban aos nenos e nenas horas antes de iniciar o reparto de xoguetes nas súa casas.