ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O PP deixou claro na súa intervención que non vai apoiar a moción da deputada do BNG no Congreso, Rosana Pérez, cunha serie de medidas para garantir o futuro dos estaleiros galegos de Navantia. Na súa intervención Rosana Pérez puxo de manifesto que a situación extrema pola que atravesan os estaleiros galegos de Navantia é consecuencia das políticas dos diferentes Gobernos centrais. Pérez reprochou ao Ministro Montoro a s
“A nefasta xestión de Navantia”
A deputada do BNG pasou a explicar no Pleno algunhas das cuestións de fondo que afectan a Navantia na Ría de Ferrol: “debería haber actuacións políticas intensas para levantar o veto que pesa sobre Navantia Fene para a construción civil. É o único xeito de ter suficiente carga de traballo” e advertiu ao Goberno que “se pode facer porque o Acordo entre a UE e o Goberno español de 2005, recolle que se poden revisar os compromisos se se producen novidades. Acaso a situación laboral de Navantia non é suficiente para revisar dito Acordo?”, preguntou Rosana Pérez.
Rosana Pérez tamén aludiu á situación económica da empresa: “os ingresos de explotación son inferiores aos custes de produción desde hai anos. E se contempla unha forte caída desde o ano 2012, para o que non vale cun simple flotel”. Neste sentido, salientou o feito de que “os únicos centros que obtiveron resultados positivos foron os de Navantia Ferrol, e se houbese carga de traballo os resultados terían sido aínda mellores”.
Rosana Pérez enumerou as medidas que o BNG propón na moción como o de crear Unidades Territoriais cunha Direción única e competencias completas de xestión e responsabilidade propia, facilitar a participación da Xunta no Consello de Administración de Navantia, consolidar a situación financeira da empresa, aprobar unha partida para impulsar a construción do dique flotante, levantar o veto, entre outras propostas.
A deputada do BNG amosou o seu dispór a negociar acordos cos grupos que presentaron emendas e acordar unha transaccional, mais desbotou a emenda do grupo popular por reduccionista e falta de propostas. A moción será votada cando remate o pleno de mañá xoves.
O PP considera que Montoro deixou todo “claro” sobre carga de traballo para Navantia
Propostas que o PP por boca da deputada galega, Tristana Moraleja, rexeitou expresando a “súa estraneza” de que o BNG presentase esta moción despois da resposta do Ministro Montoro á deputada do BNG “cando quedou todo moi claro”. O contrato con Pemex supón entrar en relación coa cuarta empresa petroleira do mundo, indicou este mediodia a deputada do Partido Popular, Tristana Moraleja, no debate dunha moción sobre o sector naval presentada pola deputada do BNG, Rosana Pérez. A parlamentaria reiterou o inicio dun novo buque contra almacén nos estaleiros de Ferrol. Iniciaráse a construción e logo intentaráse vender a outros paises. Se non se logra, quedará para uso da Armada Española, afirmou Moraleja. A deputada indicou que non se da por perdida a construción do dique flotante e insinuou o inmediato contrato do quinto gaseiro. “Somos conscientes de que queda moito por facer pero estamos indo polo bó camiño” manifestou Tristana Moraleja.