ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Malia que os prezos dos pisos baixaran ao nivel de hai tres anos, nin por esas remonta o sector inmobiliario. O número de operacións de compravenda de vivendas rexistrado en Galicia no mes de maio foi de 1.714, o que supón un descenso do 33,3 por cento fronte aos datos do pasado ano. A caída é moi similar a rexistrada pola media do conxunto do Estado, caso no que descendeu un 32 por cento. O número de transaccións inmobiliarias en toda España foi de 34
En función do tipo de vivenda, cómpre salientar que mercamos menos fogares de segunda man, porque a caída é 5 puntos maior, do 35 por cento, que a do número de operacións sobre inmobles novos.
Mais se restrinximos a comparativa ao presente ano, si se observa un incremento na compravenda en maio con respecto ao mes de abril. Nese caso houbo un aumento xeral do 16 por cento para a compravenda xeral, do 21 por cento para a vivenda usada e do 12 por cento para a nova. En Galicia o incremento foi de 1.630 operacións.
No que respecta aos terreos rústicos, no conxunto español, o número de leiras transmitidas en maio foi de 153.247, un 21 por cento menos que no mesmo mes de 2008, pero un 7 por cento máis que en abril de 2009.