ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Durante o acto, o alcalde da vila, Gerardo Criado, recordou a importancia de adoptar este tipo de compromisos para “erradicar a violencia de xénero, concienciar á poboación e atender ás vítimas dun xeito rápido e útil ”. O mandatario vilalbés admitiu que unha das intencións do acordo foi abordar “a coordinación nesta materia” para “articular unha resposta integral e eficaz e optimizar os nosos recursos”.
A continuación tomou a palabra a responsable de Información á muller do Concello, Ana Berta Pardo que informou que a iniciativa partiu do propio organismo municipal e que sirve como instrumento de colaboración para que os diferentes profesionais poidan traballar e coordinar con mais facilidade as distintas accións contra da violencia de xénero e a atención ás vítimas.
Pardo admitiu a necesidade do protocolo, xa que “son varios os organismos que poden intervir nun proceso de atención a este tipo de violencia, xa que unha muller pode acudir á policía, a un xuíz aos profesionais do Concello ou aos sanitarios”.
Para poder elaborar o texto acudiron á empresa OBZ consulting e levaron adiante un traballo de 6 meses no que se incluíron diferentes entrevistas e reunións cos catro estamentos implicados. Así, participaron a xuíza de instrución número 1 de Vilalba, dous fiscais de Mondoñedo, dous axentes da Garda Civil e o sarxento da Policía Local, un médico forense, a coordinadora médica do Centro de Saúde, unha traballadora social do mesmo centro e a técnica de Servizos Sociais de Vilalba. Estes profesionais levarán a cabo reunións trimestrais para continuar coa súa coordinación neste tema.
Ademais, tamén se editaron unha serie de trípticos informativos con información sobre cómo actuar, a onde recorrer, cómo axudar a alguén que sofre esta forma de violencia, así como unha descrición dun comportamento violento.