Dous son os obxectivos fundamentais da campaña: por un lado, acadar o compromiso dos países desenvolvidos para unha loita efectiva contra a pobreza, e por outro, promover un cambio das políticas estructuralmente inxustan que rexen, segundo a Coordenadora, as relación Norte-Sur nestes intres.

Máis de corenta organizacións a nivel galego e 400 a nivel estatal respaldan esta reivindicación, inspirada nos Obxectivos de Desenvolvemento do Milenio, que 190 países prometeron cumprir antes de 2015 para erradicar a pobreza no mundo.

Dende a Rede Social Ferrolterra lembran que o ano pasado se asinou un Pacto de Estado contra a Pobreza por parte de todos os partidos políticos. Agora, a campaña de Pobreza Cero en Galicia persegue acadar o mesmo a nivel autonómico: un Pacto Galego contra a Pobreza. Quen queira respaldar esa reivindicación pode facelo esta mesma tarde, nunha votación popular que se celebrará na Praza do Inferniño, entre as seis e as oito do serán.