Xa son terceiras

O Cultural Maniños da Liga Feminina de Futbol 8 suma 19 puntos
20 de Novembro, 2018 - 10:37 h. | Publicada por Radio Fene

A victoria levaas a dar un salto na táboa. O Cultural Maniños feminino xa é terceiro, con 19 puntos, a dous do Meirás e a seis do lider, o Galicia de Caranza.

ESCOITA O PODCAST:

O futbol feminino colleitou resultados diferentes na última xornada. O Cultural Maniños venceu ao Eume deportivo no campo do Pote, cun resultado de 2-0. Un encontro correoso porque o Eume defendeu con uñas e dentes, segundo o técnico suplente do Maniños no encontro do domingo, David Montero.

Con el analizamos un partido no que as xogadoras do Maniños dominaron indiscutiblemente o encontro pero que non foi comodo para elas. Segundo David Montero, as rapazas do Maniños traballaron duro pero as do Eume defendéronse moi ben. Os goles foron de Rebe e Ana.

Na próxima xornada o Cultural Maniños visita ao Rosalía. O encontro xogase o sabado ás 16,30 horas, no campo do Lameiro.

Deportes

Publica o teu comentario agora