ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O xoves 23 de xuño, noite de San Xoán, a sétima edición de Imaxina Sons emprende a súa recta final. Faino cun programa cargado de concertos na rúa, no auditorio municipal e no club Quomo, e da proxección da película Jazz en liberdade no MARCO, un documental asinado por Xes Chapela que recolle a efervescencia jazzeira da vila de Cangas e que foi premiado co Mestre Mateo ao mellor documental na última convocatori
Unha viaxe pola historia do jazz que ten como obxectivo animar a quen a escoita e fomentar o gusto por este xénero musical en tantas ocasións considerado elitista. Así é a proposta de pasacalles da sétima edición de Imaxina Sons coa banda portuguesa Desbundixie. Sete músicos orquestran toda unha serie de pezas ao estilo Dixieland para ofrecer actuacións divertidas e alegres, con vocación popular. Desbundixie é un grupo orixinario de Leiria, no centro de Portugal, que xa participou desde a súa creación en 2010 en festivais de jazz tanto no seu país como fóra, tal é o caso do festival de dixieland de Canterbury, no Reino Unido. No ano 2008 presentaron o seu primeiro cd titulado Kick'n Blow; ao ano seguinte editarían Up 2 Nine coa participación de Maria João na voz e Filipe Melo no piano. Nas rúas e prazas de Vigo mostrarán os seus puntos fortes: irreverencia e improvisación para destacar a faceta máis popular e divertida da música de jazz.
Co concerto de Xan Campos Trío o Imaxina Sons está a programar o talento do novísimo jazz feito en Galicia. O pianista de Cangas, nacido en 1987, leva unha abraiante traxectoria se atendemos á súa xuventude. Coñece ao batería Iago Fernández no Seminario