Xavier Alcalá potenciará as relacións científicas da UDC coa empresa

Xavier Alcalá potenciará as relacións científicas da UDC coa empresa

06 de Setembro, 2013 - 12:00 h. | Publicada por Radio Fene

O enxeñeiro en Telecomunicación Xavier Alcalá vén de ser nomeado xefe do Gabinete de Relacións Científico-Tecnolóxicas da Universidade da Coruña, departamento dependente da Vicerreitoría de Investigación e Transferencia. O novo gabinete enmárcase dentro das accións da Oficina de Transferencia de Resultados de Investigación (OTRI), do que é xerenta executiva, Pilar Pintor. 

Este nomeamento ten como obxectivo potenciar as relacións científico-tecnolóxicas entre os investigadores da Universidade da Coruña co sector produtivo e empresarial e no ámbito da área de I+D+i internacional. Xavier Alcalá é doutor en Informática pola Universidade da Coruña, na que exerceu como profesor entre os anos 1996 e 2012.

Sociedade
  • 54 lecturas