Xogadores do equipo de fútbol sala de Viana sufriron un accidente en Laraxe

Xogadores do equipo de fútbol sala de Viana sufriron un accidente en Laraxe

24 de Marzo, 2010 - 12:00 h. | Publicada por

O equipo de fútbol sala de Viana do Bolo desprazouse o pasado sábado a Fene para xogar co Begasucegsa Unidade de Fene e membros do equipo sufriron un accidente de tráfico nas curvas de Laraxe no Concello de Cabanas. O accidente tivo incidencias materiais pero afortunadamente non houbo danos persoais. De todas formas o equipo presentouse no pavillón de A Xunqueira de San Valentín con 5 xogadores.

Ao final vítoria fenesa por 4 tantos a 2. “Foi un partido fácil” apunta o delegado do Begasucegsa Unidade de Fene Angel Fraga. O equipo de Julio Sabin “matou” o partido na segunda parte cando o factor físico incidiu no seno do equipo de Viana do Bolo. O Begasucegsa Unidade de Fene non terá descanso esta fin de semana xa que disputará o partido aprazado, no seu día, ante o conxunto de Pizarra Tres Cuñados de Valdeorras en Ourense. O encontro comezará ás catro e media da tarde, tamén no pavillón de A Xunqueira de San Valentín.

Deportes
  • 60 lecturas