Gómez Alonso recordou que este proxecto de rehabilitación da Ponte do Pedrido xurde como consecuencia dos danos comprobados durante as inspeccións realizadas dentro do marco do Sistema de Xestión de Obras de Paso (XOPA) en outubro de 2010.

Logo de diagnosticar as causas do deterioro da ponte, procedeuse a formular a estratexia de reparación dirixida a rehabilitar a ponte e asegurar unhas condicións de durabilidade que permitan prolongar a súa vida útil”, sinalou o voceiro do Grupo Popular. ntre as actuacións contempladas na realización deste proxecto, apuntanse: a eliminación da vexetación enraizada nos paramentos; a reparación de corrosións de armaduras vistas; a inxeccións e selado das fisuras detectadas en arcos, montantes, travesaños, lousas e pilas; a execución dun zuncho perimetral de protección e reforzo fronte á socavación dunha das pilas; a limpeza de humidades e dos apoios do taboleiro.

Repararanse ademais as péndolas dos arcos e as varandas e colocaranse os sinais verticais e horizontais e os pórticos definitivos de control de gálibo, ou o que é o mesmo as dimensións en altura e anchura para o paso seguro dos veículos.