Tamén incide na denuncia o BNG, que cualificou de "insultante" a axuda de dez euros ao mes para a coidadora dunha persoa dependente da provincia de Lugo de Grao I, é dicir, que necesita de coidados continuos. Os nacionalistas subliñan que as axudas de dependencia teñen como obxectivo compensar o diñeiro que debería cobrar un coidador por este tipo de atencións, finalidade que con esta resolución "non se cumpre", incluso sendo unha axuda de tipo parcial.