O programa desenvolverase entre o 23 de decembro de 2014 e o 2 de xaneiro de 2015, e comprende 11 días de estancia e pensión completa, con desprazamento en autobús dende a localidade de orixe. Para cursar as solicitudes á Consellería de Traballo e Benestar, deben dirixirse ao centro Sociocomunitario de Fene na rúa do Castro ou ben as SS SS municipais. Pódense presentar ata o 15 de novembro. As persoas participantes que teñan uns ingresos inferiores ao IPREM (532,51 euros/mes), asistirán de forma gratuíta ao programa, mentres que aquelas cuns ingresos superiores a ese importe contribuirán coa achega de 50 €.