A angolana Aline Frazão e o segoviano César Herranz achéganse a Galicia en “A minha embala”

Programa: 
Músicas e Letras

A vocalista e guitarrista Aline Frazão e o frautista e percusionista César Herranz saen ao encontro das expresións musicais dos diferentes países de lingua galego-portuguesa en A minha embala. Móvense no universo musical de Angola, Cabo Verde, Brasil, Portugal e Galicia, cantando en portugués, crioulo, kimbundu e umbundu.

De feito, “embala” é unha palabra do portugués de Angola que vén do termo kimbundu “bwala” e que no noso idioma significa comunidade, aldea ou barrio. A idea de pórlle este nome ao proxecto xurdiu despois da unión de César e Aline, cando esta última decidiu musicar o poema do tamén angolano Alexandre Dáskalos “Que é S. Tomé”.

No disco Frazão e Herranz contaron coa colaboración dos galegos Xoán Curiel (“Olhar adiante” e “Kamba de fala”) e a pandeireira Aitana Cuétara (“Uma pedra de sal”); ademais do brasilerio Sérgio Tannus que aporta o cavaquinho (“Maria Silêncio” e “Olhar adiante”).

A minha embala pode descargarse de balde na web aminhaembala.com, www.agal-gz.org e www.komunikando.net.