Nesta triloxía, Elena Gallego Abad aposta por mesturar unha fantasía que bebe da tradición galega cunha historia actual coa que se poden identificar aos rapaces de hoxe. En Dragal III. A fraternidade do dragón, os membros da Fraternidade de Dragal xa iniciaron o seu regreso co fin de cumprir co xuramento de sangue que fixeron os seus devanceiros na época medieval. Para que a profecía se cumpra, os sete cabaleiros teñen que reunir as claves da Ciencia Secreta na cripta do dragón e pechar o círculo da vida. Á media noite da primeira lúa chea do equinoccio de primavera, a luz da lúa penetrará na cripta do dragón para coller a súa barca funeraria e descender ao reino dos mortos, brindando unha promesa de resurrección co abrente. Será daquela cando se perpetuará a estirpe do dragón.