Elvira Fente, autora de “Parir a liberdade”: “O feminismo galego estivo sempre moi ligado á lingua”

Programa: 
Onda Rural

A obra divídese en tres apartados: os albores da loita feminista, os eixes temáticos que ocuparon as reivindicacións desde o seu nacemento (liberdade sexual, aborto, prostitución, violencia de xénero, traballo e economía solidaria) e, finalmente, os testemuños das mulleres que estiveron na fronte de batalla nos primeiros momentos. Inclúense no libro dez amplas entrevistas a María Xosé Queizán, Nanina Santos, Ana Fernández Puentes, Carmen Blanco, Sabela Mouriz, Tareixa Navaza, Rosa Bassave, Lupe Ces, Ana Míguez e María Xosé Agra. Precisamente dunha destas autoras, de María Xosé Queizán, é a expresión “Parir a liberdade” que dá título a esta obra.