Fátima Ameneiro busca o campionato de copilotos feminino

Programa: 
A Bancada

Os pilotos da Escuadra Scratch Fene, porán broche final á súa tempada debut sobre terra, nun ano de adaptación a este medio. Carreira tras carreira sentíronse máis cómodos con ese tipo de superficie. Este rallye, con 254 kms , máis de 78 kms cronometrados e 6 tramos, será moi especial para o equipo. Trátase da última proba na que se decidirá o Campionato de Copilotos Feminino ( ao que Fátima chega lider).
 
Por todo iso, queren realizar un bo resultado para obter os puntos necesarios e así estar na clasificación final do Campionato nun gran lugar nas dúas frontes: tanto o Grupo N como as Copilotos Femininas. Tanto Edgar como Fátima queren agradecer todo o apoio mostrado cara a eles neste difícil ano na nova disciplina.