Na actualidade o Maniños é 6º na clasificación do grupo 3º da Segunda Autonómica con 47 puntos. O Barallobre é 7º con 44. Ningún dos equipos se xoga nada de cara ao final da Liga, pero iso non lle restará un ápice de emoción ao derby. O campo do Pote asemellaráse ao coloso en chamas e ningún equipo quererá perder. O Maniños pretende continuar coa racha positiva dos últimos partidos, salvando o bache da derrota diante do Ortigueira. A S.D.Barallobre quere atopar o seu domingo de Resurrección. O encontro comezará o domingo ás 5 da tarde no Pote en Maniños (Fene).