O director Mario Iglesias e Concepción González, a actriz protagonista, realizarán a presentación do filme mañá sábado á 13.00 da tarde no Ateneo Ferrolán, onde pasarán algunhas imaxes da película. Ao encontro asistirán representantes de entidades culturais de Ferrol, Fene e Narón.

"Relatos" de Mario Iglesias estreouse en setembro do 2009 no Festival Internacional de Cine de San Sebastián, dentro da sección Made in Spain. Trátase dunha película de temática universal e feminina, encadrada no denominado cine de autor.