Pere Tobaruela e Carlos Castro conversaron sobre a vantaxe que está collendo o Deportivo, malia non xogar, na cabeza da táboa do grupo norte da Segunda División e da importancia do encontro do domingo contra o Fundación Osasuna para ambos contendentes. Na Primeira Nacional, varios partidos en destaque. O máis importante, Friol-Viajes Interrías e, pola parte baixa, o Mos – Versalles, nas Baloutas. Bárbara Grandal fixo a súa análise sobre a Primeira e a Segunda División Galegas e, ao fío, tivemos como convidada a Jenny García, mellor goleadora de toda a Segunda Autonómica, con 32 goles, que non poderá aumentar nas próximas semanas por un percance, e volvimos á escola da man de Vinto Tajes, director da muradá Escola de Fútbol Os Miúdos, coa que ten un soño deportivo e educativo.