O temporal Beatriz deixou moitos anegamentos nas estradas e caídas de polas e árbores, se ben non houbo que lamentar danos persoais. En Fene o listado de avarías, provocadas polo vento e pola choiva, é amplo dabondo. Segundo o informe da policía local, rexistrouse a caída dunha árbore sobre o tendido eléctrico no lugar do Piñeiro en Maniños e anegamentos nas contornas das escolas infantís A Galiña Azul de Barallobre e Perlío.