A través das sensacións, dos retrincos das imaxes, dos momentos, recendos e sons inesquecibles, aparece a potencia literaria dunha obra que, desde o abraio, deixa ao descuberto a historia oculta, íntima e dolorosa, dun drama persoal e colectivo. O texto da novela preséntase cun peculiar estilo, coa ausencia de punto e seguido e puntos e aparte, do mesmo xeito que aparece na novela de Saramago “As intermitencias da morte”. Lögrase así transmitir o remuiño de lembranzas que aparecen na mente da protagonista.