O doutor Tejerina, agora xubilado, colabora co Observatorio de Derechos Humanos y Libertades de Castilla y León, visita cárceres e presos e denuncia por exemplo que no cárcere de Teixeiro na actualidade “só hai dous médicos para atender a novecentos presos”. “Arredor de un de cada dous internos padecen de problemas de saúde mental, depresión, procesos psicóticos, esquizofrenia e patoloxías asociadas a adicción a  sustancias psicotrópicas. Estas persoas están nun bucle do que é moi difícil saír, porque non teñen atención especializada” afirma o  doutor. A proposta do Observatorio céntrase na autoxestión da saúde, unha ferramenta de loita, defensa e resistencia. O preso aprende a comprender o seu organismo, con técnicas de apoio mutuo  e adéstrase para compartir os problemas, como sinala o libro de Eneko Landáburu “Cuidate compa”.

Fotografía: Pepe Posse